Link açıqlığı

Saatnıñ esas haberi

Rusiyeli jurnalist Arkadiy Babçenko Kyivde elâk olğan. Bu aqta mayısnıñ 29-nda paytahtnıñ politsiyası haber ete.

«Qurşundan yaralanğan şahıs «acele yardım» maşnasında vefat etti. 102 telefonına ekimlerden haber kelgen: olarğa bir qadın telefon açıp, evde qocası qanlar içinde yatqanını haber etken. Tahminen sırtından yaralanğan bu adam vefat etti», – denilmekte politsiyanıñ haberinde.

Uquqqorçalav organları, vaqia Kyivniñ Dneprovskiy rayonınıñ Mıkolsko-Slobodska soqağında olıp keçken.

Babçenkonıñ yaralanğanı aqqında daa evel jurnalist, qırımtatar ATR kanalı baş müdiriniñ muavini Ayder Mujdabayev haber ete.

Babçenko Rusiyeni 2017 senesi fevral ayında terk ete. O, öz qararını oña qarşı cinaiy iş açılma ihtimali bar dep izah ete.

Bundan bir qaç ay evelsi, 2016 dekabr ayında, o TU-154 uçağında, öz arbiylerini Suriyege Yañı yılnen hayırlamağa ketken Rusiye arbiyleri, jurnalistleri ve Aleksandrov adına ansambl artistleri uçaq qazasından ölgenlerine iç acınmağanını bildirgen edi. Bundan soñ Rusiyede Babçenkonı vatandaşlıqtan marum etmek içün imzalar toplanıp başlandı.

Soñki zamanlarda jurnalist Kyivde qırımtatar ATR telekanalında çalışa edi.

XS
SM
MD
LG