İyünniñ 1-nde Kyivniñ «Kitap arsenalında» tarih ilimleri namzeti, Tavriya gumanitar platformasınıñ koordinatorı Andrey İvanetsniñ «Birinci Qurultay: qırımtatar tesis toplaşuvından milliy parlamentke qadar (1917-1918 ss.)» kitabı taqdim etilecek.
Monografiyada 1917-1918 ss. inqilâbiy deñişmeler devrinde qırımtatar halqınıñ öz-özüni teşkil etüviniñ eñ yuqarı temsil alâmetleri olğan birinci Qurultay faaliyeti aqqında malümat berilgen
Tedqiqatta etnos alından zemaneviy etnonik devletke keçiv ceryanında Qırımnıñ tamır halqı olğan qırımtatarnıñ çoq asırlıq tarihında muim devirlerden biri olğan ilmiy noqta-i nazar mevcut.
Kitap Ukraina informatsion nazirligi sımarışınen «Klio» neşriyatında basıldı.
Tahminlerge binaen, kitapnıñ taqdimnamesinde Qırımtatar Milliy Meclisiniñ reisi ve Bütündünya qırımtatar kongressiniñ prezidenti Refat Çubarov, informatsion naziriniñ birinci muavini Emine Ceppar, Ukraina Tasil nazirligi ukrainaşınaslıq İnstitutınıñ müdiri Bogdan Galayko, UİA A.Krımskiy adına şarqşınaslıq institutınıñ müdiri Oleksandr Bogomolov, siyaset ilimleri namzeti, XX asırda qırımtatar halqı tarihınıñ ileri kelgen tedqiqatçılarından biri Gülnara Bekirova, «Klio» neşriyatınıñ müdiri Vera Solovyova ve Ukraina ve Qırımdaki cenk ve inqilâplar devirine ait tarih tedqiqatçısı Andrey İvanets iştirak etecek.
Kitapnıñ taqdimnamesi 2018 senesi iyünniñ 1-nde, Cuma künü saat 13:00 de, Kyiv, Lavrskaya soqağı, 10-12, «Sfera» zalı (2-nci qat) adresinde ötkerilecek.
İlk malümatqa köre, Ukraina informatsion siyasete nazirligi taqdimname ziyaretçileri arasında sıñırlı sayıda olğan monografiyanı bedava tarqatmaq niyetinde.
Qırımtatar halqınıñ Qurultayı -bir milliy qurultay olaraq, qırımtatar halqınıñ yüksek temsiliy organı sayıılmaqta.
1917 senesi dekabr ayında qırımtatar halqınıñ Qurultayı mavı tüstesi milliy bayrağını, Qırım hanlarınıñ taraqlı altın tamğa şeklindeki tuğrası ve milliy gimnini tasdıqlağan edi.
