Link açıqlığı

Saatnıñ esas haberi

Emir-Usein Kuku: Ukrainanıñ 50ge yaqın vatandaşı Qırım ve Rostov apishanelerinde tutula


Al-azırda siyasiy sebeplerden dolayı Ukrainanıñ 50 vatandaşı ilhaq etilgen Qırımnıñ ve Rusiye Rostov şeerindeki apishanelerinde tutula, olarnıñ 27-si -qırımtatarı.

Bu aqta Yaltalı «Hizb ut-Tahrir işi»niñiştirakçisi uquqimayeci Emir-Usein Kukunıñ «Qırım birdemligi» gruppasına yapqan muracaatında söz yürsetilmekte.

Onıñ sözlerine köre, Ukrainanıñ bütün devlet organları siyasiy mabüslerniñ tez vaqıtta azat etilmesi içün maksimum küç-quvetini işletip, tesir etmek içün bütün qanuniy yollarını qulanmaq kerekler.

«Bizim siyasiy mabüslerimizniñ qurtarıluvı – 4 yıl için de 5 kişi -qaplıbaqa tezliginen yapılğanı baqılacaq olsa, mesul devlet organları semeresiz çalışqanını köstermekte.Böyleliknen bütün esirlerniñ azat etilmesine ne qadar zaman ketecegini esaplamaq qıyın degil!» – dep yaza o.

Uquimayeci onı Ukrainadaki siyasiy ve iqtisadiy vaziyet raatsılağanı aqqında da yaza.

«Bu aqta malümat (Ukrainadaki vaziyet aqqında – QA) alma fırsatım pek sıñırlı. Aynu zamanda, bizim Qırımdaki vaziyetimiz olıp keçken vaqialarnen bağlı olğanı malüm», – dep yekünley Kuku.

Mayısnıñ 23-nde Rostov-na-Donu şeerindeki Şimaliy-Kavkaz okrugınıñ arbiy mahkemesi Yaltalı «Hizb ut-Tahrir işi» iştirakçisiniñ apiste qaluv muddetini daa üç ayğa uzatqan edi.

Mahkeme etilecek olğan Emir-Usein Kuku, Refat Alimov, Arsen Cepparov, Vadim Sirük, Muslim Aliyev, Enver Bekirov avgustnıñ 28-ne qadar SİZOda qalacaqlar.

Rusiye arbiy mahkemesi Yaltalı «Hizb ut-Tahrir işi» mahkemelerini Aqmescitte köçme oturışuvda keçire edi. Ondan soñ tevqif etilgen qırımlılar Rostov-na-Donu şeerine yollanıldı.

Ukraina tış işleri nazirligi Rusiyeden Yaltalı «Hizb ut-Tahrir işi» altı iştirakçisiniñ azat etilmesi talap etken edi.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokat Emil Kurbedinovnıñ qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri.Halqara uquq işğal etilgen territoriyalarda işğalci devlet qanunlarınıñ kirsetilmesini yasaqlay.

XS
SM
MD
LG