Link açıqlığı

Saatnıñ esas haberi

Sıñırcılar Ukrainağa rusiyeli eki jurnalistni kirsetmedi


Ukraina devlet sıñır hızmeti (UDSH) mayısnıñ 26-nda Ukrainağa Rusiye vatandaşı olğan KHV eki temsilcisiniñ kirişini yasaqlağanı aqqında haber etti.

UDSHnıñ matbuat hızmeti haber etkenine köre, rusiyeliler Kyivge Minsk ve Tbilisi uçaqlarınen kelgenler.

«Olarnıñ birisi qanunsız şekilde Qırımnı ziyaret etkeni içün kirsetilmeyip, 3 yıllıq kiriş yasağı aldı. Diger rusiyeli vatandaş keliş maqsadını tatil ve çempionlar Ligasınıñ matçını seyir etmek dep kösterse de, teşkerüv esnasında «Rossiya» telekanalına alâqası olğanı ortağa çıqtı. Ukrainağa kiriş maqsadı tasdıqlanmağanı içün bu şahıs keri qaytarılıp yiberildi», – denilmekte müessiseniñ haberinde.

Ayrıca bugün sıñırcılar Rusiyeniñ «Torpedo» futbol taqımınıñ tarafdarları olğan Rusiyeniñ 4 vatandaşınıñ Ukrainağa kirişini yasağladı.

Bugün, mayısnıñ 26-nda, Kyivniñ «Olimpiyskiy» MSKde, ispanyalı «Real» ve ingiltereli «Liverpul» taqımları oynaycaq çempionlar Ligasınıñ finalı ötkerilecek. Kyiv telükesizlik tedbirleri körülgendir.

XS
SM
MD
LG