Link açıqlığı

Saatnıñ esas haberi

Washingtonda Ukraina prezidentiniñ qırımtatar halqınıñ işleri boyunca vekâletlisi olğan Mustafa Cemilev demokratiyağa qoltutuv Milliy fondı tarafından (NED) demokratiyağa hızmet etkeni içün medalnen taqdirlendi. Bu aqta amerikan fondnıñ resmiy saytı haber etmekte.

«NED National Endowment for Democracy medalnen taqdirlevi kerçekten de beklenilmegen bir sürpriz oldı. Faqat,bu mükâfat ilk-evelâ – ağır şartlar altında yavuz, küçlü tecavuzcığa qarşı turğan cesür qırımtatar halqına ait. On yıllar boyunca sovet rejimine, şimdi ise, mustaqil Ukrainanıñ topraq bütünligine qarşı turğan qırımtatar halqına», – dep izaatlay bunı Cemilev Facebook saifesinde.

«Demokratiya içün hızmet» tunç medalinen ilk defa Poloniya prezidenti «Solidarnost» zenaat birligi areketiniñ esasçısı Leh Walesa ve amerikan zenaat birliginiñ faali Lien Kirkland taqdirlengen ediler. O zamandan berli o, insan serbestligi ve aq-uquqınıñ qaviyleştirilmesi içün şahsiy mecburiyetlerini numayış etken em de demokratik institutlar teşkil etken bir çoq meşur şahıslarğa berilgen edi.

XS
SM
MD
LG