Qırımda eñ büyük soylârından biri sayılğan Qarasuvbazar suv ambarınıñ yuqarı taraflarınıñ suv seviyesi bayağı tüşken dep haber ete Qırım.Aqiqat muhbiri.
O bergen malümatqa köre, bu - Qırım dağları etegindeki qurğaqlıqnen, em de suv ambarınıñ suvınen Qırımnıñ şarqiy rayonları temin etilgeninen alâqalı olğanı ve suv sarfiyatı ambarnıñ toluvından ziyade olğanı sebebinden olmaqta.
Yerli sakinler Qırım.Aqiqat muhbirine «Qarasuvbazar suv ambarındaki suv seviyesi kün sayın bayağı azlaşqanı» aqqında ikâye etkenler.
Qarasuvbazar suv ambarı Büyük-Qarasuv özeniniñ yatağında yerleşerek, başını Qırımda suvı eñ nomay sayılğan Qarasuv-Başından almaqta.
Ukraina Qırımnıñ tatlı suv ihtiyaclarınıñ 85%-ni yarımadanı Dnipro özeniniñ esas suv yatağınen bağlağan Şimal-Qırım kanalı vastasınen teminley edi. 2014 senesi Rusiye Qırımnı ilhaq etken soñ, yarımadağa suv berilmesini toqtatıldı.
