Ukrainada Vladimir Leninniñ tahminen 1,5 dane eykeli sökülip alındı, dep bildire mayısnıñ 20-nde siyasiy repressiya qurbanları hatırası Kününe bağışlanğan tedbirde Ukraina prezidenti Petro Poroşenko.
«Ukrainanıñ kommunistik ve milliy-sotsialistik rejimlerni takbih etüv qanunı esasında 52 biñ dane meydan ve soqaq, aman-aman biñ dane meskün yerlernıñ adı deñiştirilgen edi. Tek Lenin eykelleriniñ tahminen 1,5 biñ danesi sökülip alındı. Repressiya ve millionlarnen insanlarnıñ yoq etilüvinde qabaatlı olğan kommunist firqası eninde-soñunda yasaqlandı», – dedi Poroşenko.
O, 2013 senesiniñ soñunda «Ukraina haritası Sovetler Birligi Kommunist firqasınıñ tarih kitabındaki illüstratsiya kibi körüne edi» dep saya.
2015 senesi aprel ayında Ukraina Yuqarı Radası kommunist ve totalitar natsist rejimlerni, olarnıñ propagandası ve timsalleri yasaqlağan devlet qanun leyhasını qabul etti. Qabunğa binaen, Ukrainada natsizm, millitçi-sotsializmniñ timsalleri ve propagandası, bu degerliklerniñ, natsist ve faşist gruppalarnıñ er angi bir faaliyeti yasaqlandı.
2018 senesi fevral ayında Ukraina milliy hatıra institutınıñ müdiri Volodımır Vyatroviç Ukrainada kommunizmden qurtuluv esnası bitti dep bidirdi.
