Rusiye nezareti altındaki Aqmescit Merkeziy rayon mahkemesi mayısnıñ 18 cumaaqşamı künü bir kün evel qırımtatar halqınıñ sürgün qurbanlarını añma Kününe bağışlanğan tedbirniñ iştirakçisi olğan 19 yaşındaki Seytasan Asanov mahkeme etilecek. Bu aqta «Qırım birdemligi» teşkilâtı haber ete.
Haber etilgenine köre, adliyeci Edem Semedlâyev mayısnıñ 18-zi sabasına qadar Asanov bulunğan politsiya bölügine kirsetilmegen.
Mayısnıñ 17-nde aqşam Aqmescit rayonınıñ qırımtatarlar kütleviy yaşağan Aq-Meçit Camide qırımtatar halqınıñ sürgün qurbanlarını añma Kününe bağışlanğan – «Qalbiñde ateş yaq» - aktsiyası ötkergen qırımlılar tutulıp alınğan edi. Tutulğan ve arasında çağına yetmegen balalar olğan yigirmige yaqın insan beş dane politsiya maşnasınen Aqmescit rayon politsiya idarelerine dağıtıldı.
Daa soñra tutulğan şahıslarnıñ bazılarından izaatnameler, parmaq izleri ve DNK nümüneleri alınğan soñ qoyıp yiberildi.
Qırımdan qırımtatar halqı sürgüniñ qurbanlarını añma künü er yıl mayısnıñ 18-nde qayd etile. O künü yarımadadan Orta Asiyağa qırımtatarlarnıñ ilk eşelonı yollana. Epsi olıp 180
