Ukraina tış işleri nazirligi halqara cemaaçılıqnı, «1944 senesiniñ faciası bir daa tekrarlanmaması içün» ilhaq etilgen Qırımdaki rusiyeli akimiyetke siyasiy ve diplomatik basqını devam ettirmege çağırdı.
« Ukraina 1944 senesiniñ faciası bir daa tekrarlanmaması ve Qırımda insan aqlarını bozulmamasını talap eterek, halqara cemaatçılıqnı Rusiyeniñ işğalci akimiyetine siyasiy ve diplomatik basqı yapmağa devam etmesine çağırdı», – denilmekte Ukraina TİNniñ Twittirinde.
Qırımdan qırımtatar halqı sürgüniniñ qurbanlarını añma künü er yıl mayısnıñ 18-nde qayd etile. Bu künü 74 yıl evel yarımadadan Orta Asiyağa qırımtatarlarnıñ ilk eşelonı yollana. Epsi olıp 200 biñden ziyade insan sürgün etilgen.
Ukraina 1944 senesi sürülgen qırımtatarlarnıñ sürgünini genotsid dep tanıdı ve mayısnıñ 18-zi ise, qırımtatar halqı genotsidi qurbanlarını añma Künü olaraq tayin etildi.
