Rusiye elçihanesi, Havfsızlıq Hızmeti taqiqat çerçivesinde Rusiye devlet «RİA Novosti» haber agentliginiñ temsilciligi «RİA Novosti-Ukraina» ofisinde ötkergen tintüv sebebinden dolayı Ukraina Tış işleri nazirligine narazılıq notası yollağan.
«Elçihane adından, Rusiye informatsion agentliklerinde çalışqan jurnalistlerge qarşı sistematik olaraq küç qullanılmamasını talap etkenimizge baqmadan, halqara mecburiyet ve iç qanunlarnı esapqa almağan Ukraina tarafı israrnen söz serbestliginiñ ögüni kesmege, jurnalistik faaliyetke keder etmege, öz noqta-i nazar ve tüşüncelerinen paylâşmağa yol berememege devam etkenini çorlanıp qayd etemiz», – denilmekte beyanatta.
Rusiye elçihanesi Ukraina ükümetinden agentlikniñ yaqalanğan reberi Kirill Vışinskiyniñ azat etilmesine, «olıp keçkenlerniñ sebebini taqiq etilmesine»çağıra.
Daa evel SBU «RİA Novosti» işi boyunca yapılqan beş tintüv ve onıñ reberi Vışinskiy yaqalanğanı aqqında haber etken edi.
Cinayet işi «devlet hainligi» maddesi boyunca açılacaq.
2014 senesinden başlap SBU «Ukraina menfaatlarına zarar bergen faaliyet içün» esasen Rusiyeden kelgen bir sıra jurnalistlerni sürgün etken edi. Bunı bazı bir uquqimaye ve jurnalistik teşkilâtlar tenqit etken ettiler.
