Kyivde yapılğan tintüvlerden soñ tutulıp alınğan «RİA Novosti-Ukraina» agentliginiñ reberi Kirill Vışinskiy Rusiye mukâfatını alğan eken. Bu aqta mayısnıñ 15-nde SBU reisiniñ muavini Viktor Kononenko haber etti.
O ayrıca, tüntüvler beş yerde – yani eki ofis ve üç evde yapılğanı aqqında haber etti.
Vışinskiy SBUnıñ işbu beyanatlarına daa bir izaat bermedi.
Mayısnıñ 15-nde Ukraina Havsızlıq Hızmeti «RİA Novosti-Ukraina» ofisinde tintüv yapqan edi. SBUnıñ matbuat kâtibi Olena Gitlyanskaya agentlikniñ reberi tutulğanı aqqında haber etken edi.
Daa evel SBU Qırım MC Prokutraturasınen birlikte Rusiye nezareti altında çalışqan mediyastrukturalar ağını keşif etkeni ve bunı «tecavuzcı-devlet Ukrainağa qarşı alıp barğan gibrid informatsion cenk çerçivesinde qullanğanı» aqqında haber etken edi.
Baş prokuror Yuriy Lutsenko «RİA Novosti-Ukraina» agentligi hadimleriniñ areketlerinde devlet hainliginiñ alânmetleri mevcut olğanı aqqında ayttı.
«RİA Novosti-Ukraina» Rusiye devlet «RİA Novosti» haber agentliginiñ bir temsilciligi olaraq, Ukrainada eñ az altı yıldan berli çalışıp kelmekte.
SBU «Ukraina menfaatlarına zarar bergen faaliyet içün» esasen Rusiyeden kelgen bir sıra jurnalistlerni sürgün etken edi. Bunı bazı bir uquqimaye ve jurnalistik teşkilâtlar tenqit etken ettiler.
