Link açıqlığı

Saatnıñ esas haberi

Tış işleri nazirligi Ukraina vatandaşlarına 14 iyünden 15 iyülgece Rusiyede ötkerilecek dünya futbol çempionatına barmamaqnı tevsiye ete.

Nazirlikniñ bayanatında ukrainalılarnıñ Rusiyede barması olarnıñ hususiy havfsızlığına ciddiy telüke teşkil etebilecegi qayd etilmekte.

«Rusiye uquq-tertip idareleri ve ceza uyğulav organları casuslıq, terrorizmde qabaatlav qullanuv vastasınen tutıp alaraq, ukrainalılarğa nisbeten başqa provakatsion areketler amel etmekte.... Rusiye tevqif etilgen Ukraina vatandaşlarına konsul ya da adliyecileriniñ kirişini sıñırlay ya da tamamileyasaq ete. Şimdiki vaqıtta Ukraina vatandaşları içün tecavuzcı devlet sıñırları içinde konsul imayesi imkânları - sıñırlıdır», – denilmekte nazirlikniñ beyanatında.

Ukraina TİN ayrıca, ukrainalılarğa qarşı duşmanlıq doğurulğanı ukrainalılarnıñ Rusiyede bulunması içün ilâve risk unsurını teşkil etmekte.

Aprel ayında Avropa parlamentiniñ onlarnen deputatları Rusiye ötkerilecek dünya futbol çempionatını diplomatik boykot etilmesine davet etken ediler.

2018 dünya çempionatı Rusiyeniñ 11 şeerinde keçecek. İlk matç iyünniñ 14-nde keçirilmesi planlaştırıla. Final iyülniñ 15-nde keçecek.

XS
SM
MD
LG