Link açıqlığı

Saatnıñ esas haberi

Qırım MC SBUsı ve Prokuraturası Rusiye nezareti altında çalışqan media ağnı meydanğa çıqardı – Gitlyanskaya


Olena Gitlyanskaya
Olena Gitlyanskaya

Ukraina Havfsızlıq Hızmetinin hadimleri Qırım Muhtar Cumhuriyeti Prokutraturasınen birlikte «Rysiye nezareti altında çalışqan mediyastrukturalar ağını» meydanğa çıqardı. Bu aqta özüniñ Facebook saifesinde SBU spikeri Olena Gitlyanskaya haber etmekte.

«Hızmet hadimleri tesbit etkenine köre, bunı tecavuzcı-devlet Ukrainağa qarşı alıp barğan gibrid informatsion cenk çerçivesinde qullanıp kelgen eken. Al-azırda taqiqat işleri yürsetilmekte. Operatsiya inceliklerini ilâve olaraq bugün bildirecekmiz», – dep yaza Gitlyanskaya.

Gitlyanskaya daa soñra, «tintüvler «RİA Novosti Ukrainı» ofisinde ötketilmekte ve yolbaşçısı şimdilik tutulıp alınğanı» aqqında haber ete.

Mayısnıñ 15-nde Rusiyeniñ «RİA Novosti» informagentligi, Kyivde SBU hadimleri onıñ Ukrainadaki temsilciligine «sürüp kirdiler», dep haber etken edi.

KHV bergen malümatqa köre, tüntüv esnasında «RİA Novosti Ukrainı»niñ hadimi Kirill Vışinskiy tutulıp alınğan. O, bu hususnen bağlı açıq izaatlar bermedi.

XS
SM
MD
LG