Amerika Qoşma Ştatları, Rusiyeniñ arbiy iddialarınıñ artması sebebi ile Arbiy deñiz quvetlerindeki Ekinci flotnıñ ğayrıdan meydanğa ketirilmesi planları aqqında bildirdi.
AQŞ ADF komandanı admiral Con Riçardson, Ekinci flotnıñ mesüliyet zonasına Şarqiy yalı boyu ile Şimaliy Atlantikanıñ kirecegini bildirdi. Admiralnıñ aytqanına köre, bıltır ilân etilgen milliy mudafaa strategiyası, büyük devletler arasındaki arbiy yarışmanıñ ğayrıdan başlağanına açıqtan işaret ete. Bu strategiyada üstünlik Rusiye ve Çinge qarşılıq kösterilmesine berile.
Maliy maqsatlar ve, BBCniñ qayd etkenine köre, «struktura sebepleri»nden dolayı dağıtılğan Ekinci flot, bundan evel olğanı kibi, aynı şu yerde – Virciniya ştatı, Norfolkta yerleşecek. Baş komandan Norfolktaki bazada «Corc Buş» uçaq gemisiniñ kogertesinde çıqış yaptı, dep bildirdi Azatlıq Radiosı.
