Ğalebe kününece daa bayağı vaqıt bar, lâkin Qırımda endi ananeviy arbiy-vatanperverlik bayğınlığı başlandı. İçtimaiy ağlarda bu adiseni çoqtan berli «pobedobesiye» – «ğalebe çılğınlığı» dep adlandırdılar.
Mayıs 9 yaqınlaşqanda Qırımda arbiy simvolikanıñ sayısı geometrik progressiyada öse.
.…Öz balañ üstüne uniforma… arbiy uniforma kiymek içün qafada miy yerine ne olmaq keregini tasavur bile etalmayım…
Bala bağçalarında kiçikler gruppasında Rusiye bayrağınıñ resimini sızalar, orta ve üyken gruppalarda – tanklar ve diger arbiy tehnikanı. Anamnıñ balalar bağçasında ve mektepte çalışma stajı 48 yıl. O, sovdepiya vaqtında bile böyle delilik olmadı, dey. Daynamadı, işten boşadı
Tamam bu sebepten balamı quçağıma alıp, bu vakhanaliyadan alıp kettim.
Mektepte bütün kün arbiy yırlar yırladılar, yılnıñ soñunda ise arbiy uniformanıñ tikilmesini talap ettiler. Ve kelecegimiz aqqında tüşünmege mecbur oldıq. Qartlıq keleyatqanda qolay olmasa bile.
Qırım aqiqatı… Balalarımıznen torunlarımız bu ideologiyanıñ tesiri altında qalmasınlar dep, ailedeki terbiyege daa çoq diqqat ayırmaq kerek. İmmunitetni inkişaf ettirmek kerek.
Arbiy-vatanperverlik mevzulı propagandistik tedbirlerniñ sayısı er angi tasavur saibini ayrette qaldıra bilir.
Arbiy-vatanperverlik bayğınlığı uküm sürgen yerde cenk veteranları unutığan alda qala.
