Link açıqlığı

Saatnıñ esas haberi

Qırımtatarlarğa qarşı yapılğan cinayetler Rusiye ükümeti içün ananeviy sayıla – Ceppar


Rusiye ükümeti ilhaq etilgen Qırımda qırımtatarlarğa nisbeten Stalinniñ repressiya siyasetini qullanmağa devam ete.

Bu aqta aprelniñ 27-nde «1944 senesi qırımtatarlarnıñ sürgün etilüviniñ taqiqatı: problemalar ve istiqbali» mevzusına bağışlanğan tögerek masa devamında Ukraina informatsion siyaseti naziriniñ birinci muavini Emine Ceppar söz yürsetti.

«1944 senesi qırımtatarlarnıñ sürgüni – zaman ceetinden sıñırı olmağan bir cinayettir. Al-azırda Qırımda körgen vaqialarımız – Stalin devirine ait vaqialarnıñ devamı sayılır. Qırımtatarlar bir daa aq-uquqtan marum etilerek, mahv etilüv telükesi altında bulunmaqtalar», – dep qayd etti Ceppar.

Onıñ sözlerine köre, qırımtatarlarına nisbeten repressiyalar ta 1783 senesi Qırım Rusiye imperatorlığı tarafından ilk ilhaqı devrinde başlanğan.

«Bu cinayetler tarihiy devir ve idare şekli qatiy nazar, Rusiye içün ananeviy dep sayıla. Bu halqlarğa – ukrainalılar ve qırımtatarlarğa nisbeten kösterilgen bir imperialist munasebetidir. Şimdi de ukrainalılar ve qırımtatarlar beraber olıp kimligi içün küreşmege mecbur olalar», – dep yekün çekti o.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG