Yırcı Camala aprelniñ 27-nde tamam bir aylıq olğan oğlu Emir-Rahmannen beraber çıqqan fotosuretini derc etken. Yırcı suretlerni özüniñ Instagramdaki saifesine yerleştirgen.
«Bizim birlikte keçken ilk ayımız», – dep yazılğan fotosuret tübünde.
Ayrıca o televizion alıp barıcısı Katya Osadçayanen öz ailesi – anası-babası ve qocası arasında çekilgen umumiy fotosuretni de yerleştirgen.
«Bu saba ayranlıq içindem! Bilmeyim amma, ya Emir-Rahman bir aylıq olğanı sebebindenmi, yoqsa bu qadar musbet, dülber olğan Katya Osadçaya intervyuğa çağırğanı içünmi! Ondan soñ, «Ses» meşğuliyetleri yapılacaq. Bu fotosuretlerden köklerde uçam», – dep yazğan yırcı.
Camala (Susana Camaladinova) ile qocası Seit-Bekir ailesi martnıñ 27-nde oğul kördi.
Qırımtatar asıllı ukrain yırcısı «Eurovision» -2016 ğalibi olğan edi.
