Rusiye nezareti altındaki Devlet suv hocalığı komiteti (Goskomvodhoz) Qırımıñ suv ambarlarındaki miqdar sakinlerni yıl soñuna qadar stabil şekilde temin etmek içün yeter dep bildire. Bu aqta komitetniñ matbuat hızmetinden alınğan malümatqa esaslanğan «Krıminform» haber etmekte.
«Aqıp kelgen suv esapqa alınmağan taqdirde bile ihtiyat miqdarı (suv ambarlarındaki suv) 2018 senesine yetecek», – dep bildire neşir matbuat hızmetiniñ sözlerini.
Goskomvodhoznıñ malümatına köre, al-azırda Aqmescit etrafındaki Aqmescit ve Sabla suv ambarları 90%ge, Qırım Yalı boyundaki Büyük Özenbaş ve Körbek suv ambarları – 95%den ziyade toldurılğandır. Büyük Yaltadaki Zagorskoye 75%ge, Eski Qırım – 50,8%ge, Aqmescitteki Ayan ve AluştadakiAşağı Şuma – 95,8%ge toldurılğan alda.
Fevral ayında «Voda Krıma» işhanesi Kefe suv ambarında yarım ayğa yetecek qadar suv qalğanına şikâyet etken edi. Al-azırdaki vaziyeti aqqında iç bir şey aytılmay.
Rusiye Qırımnı işğal etken soñ Ukraina yarımadanı Dnipro özeninen bağlağan esas yolaq olğan Şimal-Qırım kanalı üzerinden yarımadağa suv berilmesini toqtattı. Ukraina Qırımnıñ suv ihtiyaclarınıñ 85%-ni bu kanal vastasınen teminley edi.
