Link açıqlığı

Saatnıñ esas haberi

Qırımnıñ Rus Naqliyat naziri İgor Zaharov istifağa ariza bergen. Bunı Kremlge tabi olğan Qırım baş naziri Sergey Aksönov aprelniñ 17-nde jurnalistlerge haber etti.

«Naqliyat naziri istifağa ariza berdi», – degen Aksönovnıñ sözlerini TASS derc etmekte.

Aksönovnıñ fikirine köre, nazir «işini kerekli seviyede tertiplep olamadı, hususan Aqmescitte tıqanıqlıqlar meselesini çezemedi».

O qayd etti ki, Zaharov aprelnin 23-nden istifağa çıqmaq içün ariza yazğan.

Bundan evel Aksönov Aqmescitte yolcu taşuvınıñ tertibinde olğan problemalarğa defalarca şikâyet ete edi.

Martnıñ soñunda naqliyat, MKH ve energetika meseleletini idare etken Qırım baş nazir muavini Vladimir Serov istifağa ketken edi.

XS
SM
MD
LG