Amnesty International halqar uquqimaye teşkilâtı haber etkenine köre, bütün dünya boyunca keçken yıllardaki köstergiçi eñ yüksek derecege yetkeni esapqa alınsa, 2017 senesi ölüm cezaları ve idamlarnıñ sayısı daa da azalğan. Londonda yerleşken teşkilâtnıñ malümatına binaen, 2015 senesi idam sayısı eñ yüksek olıp 1600 teşkil etken ise, 2017 senesi 993 ölüm cezası icra etilgen.
İdam sayısı azalmasına, hususan uyuştırıcınen bağlı cinayetlerde ölüm cezasınıñ sıñırlandırılması içün İran qanunlarına kirsetilgen deñişmeler tesir etti.Buña baqmadan, İran 507 idamnen eñ ög sırağa keçerek, Saudi Arabistanı (146), İraq (125) ve Pakistan (60) arasında lider olmağa devam etmekte.
Uquqimayecileri Qıtaydaki malümatqa saip degil, albuki andaki idam sayısı pek yüksek derecede ve bu malümat devlet sırı sayılmaqta.
Amnesty International bıltır İranda yaşı yetmegen 5 genç idam etilgeninden ve 18 yaşını keçmegen 80 şahısqa nisbeten ölüm cezası tayin etilgeninden raatsız.
