Qırım Muhtar Cumhuriyetiniñ prokuraturası Qırım sailindeki Qara deñizniñ Karkinit körfezinde qanunsız şekilde qum ve faydalı qazıntılar elde etüv boyunca cinaiy protsessual başqaruv ve taqiq başlattı. Bu aqta Qırım MC prokuraturasınıñ matbuat hızmeti haber etmekte.
Prokuraturanıñ malümatına köre, bu areketler tabiatqa million grivnalıq zarar bergen. Cinaiy iş Ukraina Cinayet kodeksiniñ 240 maddesiniñ 3 qısmında belgilengen cinayet alâmetlerine istinaden açılğandır.
Mahkemeden evel ötkerilgen taqiqat devamında Qırım Muhtar Cumhuriyetiniñ prokuraturası Ukraina Silâlı quvetleriniñ Deñiz-arbiy quvetlerinen beraber, Rusiyede qayd etilgen kompaniyanıñ Qırım saillerinde tabiat resursları (qum) elde etkeninen alâqalı qanunsız areketlerini qayd etti.
İşbu cinaiy işnen bağlı zararlarnı qapatmaq içün, aprelniñ 10-nda Qırım MC prokuraturası tarafından taqiqat mahkemecisiniñ ricasınen alâqalı qarar qanaatlendirildi ve Odessa vilâyetiniñ Yujnıy limanında bulunğan gemi tevqif etildi, dep bildire prokuratura.
