Aprelniñ 11-nde Kyivde qırımtatar «Terciman» gazetasınıñ ilk sanı çıqqanınıñ 135-yıllığına bağışlanğan matbuat-forumı ötkerilecek.
Bu aqta tedbirniñ Facebook saifesinde haber etilmekte.
Esas mevzu olaraq ukrain kütleviy haber vastalarındaki Qırım mevzusı olacaq.
«Sizler mevzunı üç ceetten: yani televizion, radio, yazılı ve online KHV ceetinde muzakere etüv aqqına saip olacaqsıñız. UA: Suspilne movlennya: Qırım.Aqiqat, Azatlıq Radiosı, Radio Hayat, Gromadske radio temsilcilerinen beraber muim meselelerni muzakere etip: «Qırım mevzusını ukrain mediameydanınen nasıl etip birleştirmeli?» degen sualge cevap berecekmiz» – denilmekte teşkilâtçılarnıñ haberinde.
«Terciman» gazetası 1883-1918 seneleri arasında Bağçasarayda çıqıp, aslında Rusiye imperiyasında yaşağan türkiy ealiniñ basma organı olğan edi. Onıñ esasçısı ve naşiri qırımtatar maaarifçisi İsmail Gasprinskiy olğan edi.
