Rusiyeli mütehassıslar Suriyeniñ Duma şeerinde himiyeviy silâ qullanılğanını isbatlaycaq izler tapmadı, dep bildire Suriyede taraflarnı baruştıruv Merkeziniñ başlığı general-mayor Yuriy Yevtuşenko.
«Teşkerüv neticeleri er angi bir zeerli madde izleri olmağanını kösterdi», – dep ayttı Yevtuşenko.
Onıñ sözlerine köre, rusiyeli arbiy ekimler Suriyeniniñ Duma şeerinde yerleşken tibbiy müessiselerden birini ziyaret etip, hastalarnıñ iç birisinde himiyeviy zeerlenüv alâmetleri tapmağan ekenler.
Suriye muhalefet vekilleri olğan «Beyaz kaskalar» ve aynı zamanda diger gruppalarnıñ faalleri, aprelniñ 7-nde Suriyeniñ Duma şeerine vertolöttan toksik gazlı bombalar taşlanğanı aqqında haber ete. İnsanlar ondan boğulıp başlağan. Daa soñra onlarnen ölü ve yüzlernen zarar körgenler aqqında haber etile.
Suriye ve Rusiye ükümetleri bu haberni inkâr ete.
Duma – isyancılarnıñ nezareti altında qalğan ve Şamğa yaqın Şarqiy Gutada yerleşken soñki şeerdir.
