Novosölovka köyündeki Qarasuvbazar tehnologik tehnikumınıñ filial müdiri vazife salâhiyetini aşqanında şeklene. Bunıñ aqqında Rusiye Taqiqat komitetiniñ ilhaq etilgen Qırım boyunca idaresi bayan etti.
Şekli, taqiqatnıñ malütına köre, 2016 senesi yanvar ayından 2017 senesi iyün ayında qadar «avtomobil aydayıcısı», «koy hocalığı istisalınıñ traktorcı-maşinisti», «koy hocalığı aletleri ve tehnikasınıñ tamir çilengiri» ihtisasları boyunca bu oquv yurtunıñ kündüzki tasil şekiline kirip, aslında tasil almağan talebelerge tasil alğanlarına dair vesiqalarnı ve orta ihtisasiy tasil diolamlarını qanunsız surette bere eken.
Müessisede şeklinin adı aşkâr etilmedi. Oquv yurtunıñ temsilcileri halq ögünde izaatlarını bermedi. Meseleniñ taqiqatı devam etmekte, dep bildire Taqiqat komiteti.
2016 senesi «Soçi iqtisadiyat ve informatsion tehnologiyalar institutı» şahsiy aliy oquv yurtunın Keriçteki vekillik müdiri ticariy ruşvette şeklengen edi.
