Link açıqlığı

Saatnıñ esas haberi

Yaltanıñ rus idare yolbaşçısı Yelena Sotnikova istifağa ketken. Aprelnin 10-nda «Krıminform» agentligi bildirdi ki, o öz isteginen istifağa çıqmaq arizasını imzalağan.

Sotnikovanıñ istifağa bermesini toplaşuvda bulunğan 23 deputattan 21-i desteklegen.

Bunen beraber Kremlge tabi olğan Yalta şeer şurası şeer idare yolbaşçısınıñ vazifesini vaqıtınca Aleksey Çalpanov eda etecegini tayinledi. Bundan evel o administratsiya reisiniñ birinci muavini vazifesine tayinlengen edi.

Yalta memuriyetiniñ saytında yañı tayinler aqqında malümat derc etilmegen.

Keçken yılnıñ soñunda Yaltanıñ rus idare yolbaşçısını deñiştirmek içün konkurs ötkerilgen edi. Şeer yolbaşçısınıñ muavini Yelena Sotnikova ve Rusiyeniñ Başqırtistan Cumhuriyetiniñ sabıq baş nazir muavini Nikolay Puçnin ğalip çıqqan ediler. Soñra Kremlniñ nezaretindeki Yalta şeer şurası şeer memuriyetiniñ reisi vazifesine Sotnikovanı tayinlemege qarar alğan edi.

Yalta administratsiya yolbaşçısınıñ vazifesi, sabıq memur Andrey Rostenkonıñ istifağa çıqqanından soñ, 2017 senesi iyül ayından berli boş tura edi.

XS
SM
MD
LG