Aqyarnıñ Urain milliy-medeniy cemiyeti aprelniñ 1-nde Anane Kününi qayd etti ve ukrain pısankasınıñ boyalavı boyunca master-klass ötkerdi.
Bunı Qırım.Aqiqat muhbiri bildire.
Pısankanı boyalamaq ve ukrain ananeleri aqqında lektsiya diñlemek içün merasimge moldav, qaray, alman, rus, çuvaş milliy cemiyetlerniñ azaları kelgen.
Master-klass teşkilâtçıları ukrain milliy simvollarnıñ trafaretlerini evelden azırlağan edi. Olarnı qullanıp ya da serbest mevzuğa dalıp, musafirler pısankalarnı boyalağan.
Aqyarda yaşağan ukrainli Svitlana Levon, Ukrainanıñ çeşit regionlarında qullanılğan pısanka ananeleri ve simvollarnıñ hususiyetleri aqqında tarif etti.
Master-klass iştirakçileri pascha yımırtalarınıñ, kitap, resim ve elyapma ufaq eşyalarnıñ sergisini taqdim etken.
Pascha icadında ballar iştirak etti. Büyükler de pascha yımırtalarını boyalağan.
Merasim musafirleri teşkilâtçilarnen beraber çeşit memleketlerde pascha yımırtalarınıñ boyalanuvında ve pısankalarnıñ saqlanuvında rast kelgen çeşit usullarnı muzakere etti.
Malüm ki, aprelnin başında hristianlar Pascha bayramını qayd etmekteler.
