Qırım akimiyetiniñ 2017 senesi ötkergen faaliyetine esabat bergen esnasta Kremlniñ nezaretinde olğan Qırım yolbaşçısı Sergey Aksönov beyan etti ki, keçken yınıñ neticelerine köre, Qırımda iqtisadiyatnıñ umumiy inkişafı, 10% teşkil etip, «soñki onyıllıqnıñ rekord köstergiçi» olğan.
Bunen beraber, Aksönov qayd etti ki, iqtisadiy saada bir sıra meşaqqatlı sualler mevcut. Meselâ, qırımlılarnıñ aylıq maaşınıñ orta seviyesi ve tarife politikası sualleri.
Onıñ sözlerine köre, iqtisadiy inkişafnıñ sebebi, ilk-evelâ büyük infraterkip leyhalarnıñ eda etilmesi ve kölemli, baştа bir devlet bücetinden ayırılğan, yatırımlarnıñ qabul etilmesinen bağlı.
Kremlnin nezartindeki Qırım Maliye nazirligi evel haber etti ki, 2018 senesi yanvar-fevral aylarında bücetke kelgen sermiyalar, keçken yılnıñ aynı devrine nisbeten, 4,9 mlrd. ruble ya da 54,1% eksiktir.
2017 senesi dekabr ayında Qırım Maliye nazirliginiñ Rus yolbaşçısı İrina Kiviko, yaqın on yıl devamında Qırım, qomşu Rusiyeniñ bücetinden dotatsiya almadan, çaresini tapalmaycağını itiraf etken edi.
