ABD prezidenti Donald Trump Birleşken Devletlerge qarşı yapqan kiberücümlerden dolayı Rusiyege qarşı sanktsiyalarnı daa bir yılğa uzattı.
Bu aqta Beyaz saraynıñ haberinde söz yürsetilmekte.
«Kiber cinayetnen bağlı areketler ciddiy zarar ketirmekte ve ABDniñ milliy havfsızlığı, tış siyaseti ve iqtsadiyatına tehdit etmekte. Bu sebepten 2015 senesi aprelniñ 1-nde ilân etilgen fevqulade tedbirler 2018 senesi aprelniñ 1-nden soñ da devam etecek», – denilmekte beyanatta.
Yaqında ABD istihbaratı Kremi Ğarpqa qarşı ücümlerini başlatması mumkün olacağını ve cezadan qorqmağanını ayttı. Aynı zamanda ABD maliye nazirligi Rusiyeli hakerlerniñ areketleri Rusiyege qarşı yañı sanktsiyalar paketine qol tutulğanınıñ sebeplerinden biri olaraq qayd etti.
Resmiy Moskva diger devletlerniñ sistemasını bozmağa ıntılğanını red ete.
ABD Rusiyeniñ ABD prezident saylâvlarına qarışqanı taqiq etilmekte. 2016 senesi avgust ayınıñ başında ABD baş prokurorı Robert Muller «Rusiye izi»ni teşkermek içün büyük mahkemeciler kollegiyasını toplağan edi. Muller Demokratik partiyalı raqibi Hillari Klintonnıñ yıqtırmaq maqsadınen Trumpnıñ ştabı Kremlnen bağ qurğan ya da qurmağanını teşkere.Moskva başqa devlerlerde ötkerilgen saylâvlarda iştirak etkenini inkâr ete.
