Kreml nezareti altındaki Aqmecsitniñ Kiev rayon mahkemesi adliyeci Emil Kurbedinovnıñ 2016 senesi hırsızlanğan qırımtatar faali Ervin İbraimovnıñ işi boyunca taqiqat organlarına nisbeten bergen şikâyetini red etti. Bu aqta martnıñ26-nda Qırım.Aqiqat muhbiri haber etmekte.
Mahkem oturışuvı devamında, dersiñ Kurbedinovnıñ özüniñ bütün suallerine cevap alğanını köstergen vesiqalar taqdim etilgen.Aynı zamanda uquqorçalayıcı organlar iç bir türlü delil taqdim etalmayıp, «ayırılğan zaman içinde adliyecige kerek olğan bütün cevaplar berilgenini» iddia etken.
Bütündünya qırımtatar kongressi icra şurasınıñ azası Ervin İbragimov 2016 senesi mayısnıñ 24-nde Bağçasarayda belgisiz insanlar tarafından hırsızlanğan edi. Video nezareti kamerası Rusiye yol inspektorları urbası kiygen eki adam İbragimovnıñ maşinasını toqtatıp, onı mikroavtobusqa oturtqanını qayd ete.
Qırım uquqimaye gruppası o, Rusiye akimiyeti ya da onıñ nezareti altındaki taqımlar tarafından hırsızlanğandır dep tahmin ete.
