Link açıqlığı

Saatnıñ esas haberi

Qırımda duşmanlıq yardımınen Ukraina vatandaşlarını biri-birinden nefretlendireler – mütehassıs


Qırımda rusiyeli KHV duşmanlıq tili qullanaraq, Ukraina vatandaşlarını biri-biriniden nefretretlendireler.Böyle bir fikirnen martnıñ 25-nde Qırım uquqimaye gruppasınıñ mütehassısı İrina Sedova, Kyivde ötkerilgen «Qırımnıñ informatsion alemindeki duşmanlıq tili» adlı esabat taqdim etkende paylâştı, dep haber ete Qırım.Aqiqat muhbiri.

«Rusiye Federatsiyası Ukraina nezareti tışında qalğan topraqlarda, Ukraina qıta qısmında ve işğal etilgen topraqlarda yaşağan vatandaşlar arasında duşmanlıq caymaq maqsadınen yapa. Bu nefret küçünen vatandaşlar başqa vatandaşlarnen cenkleşmege keteler. Bu gibrid cenkte rusiyeliler zarar körmey esap. Olar Donbass sakinlerine «Donbass halqı» deyler, Qırım sakinlerine ise – rus deyler. Bu – Ukraina içinde duşmanlıq doğurmaqnıñ bir usulı», – dey Sedova.

Martnıñ 25-nde ukrain uquimayecileri 2014-2017 seneleri arasında Qırımnıñ informatsion alemindeki duşmanlıq tili adlı esabat taqdim ettiler.

Daa evel Qırım uquqimaye gruppasınıñ vekilleri «Qırımda din ve itiqad serbestligi» esabatını taqdim etken edi. Vesiqada, Rusiye ilhaq etken yarımdada 4 yıl içinde insan aqları bozıluvınen bağlı malümat taqdim etilmekte. Mühehassıslar, Qırımnıñ rusiyeli akimiyeti sistematik olaraq din kütketlerniñ serbestligini boza degen hulâsağa keldi.

Qırım uquqimaye gruppasınıñ yolbaşçısı Olga Skripnik, Qırımda esasen musulmanlar ve Kyiv Patriarhatına bağlı kilsege qatnağanlar aşalanğanını qayd ete.

XS
SM
MD
LG