Rusiye akimiyeti ilhaq etilgen Qırımda bir kilseni istisna etip, insanlarnı diniy esasta taqip ete, dep saya Qırım uquqimaye gruppasınıñ mütehassısı Aleksandr Sedov. Bu fikirinen o martnıñ 23-nde Qırım.Aqiqat Radiosınıñ efirinde paylâştı.
«Qırımda adalet seçici olaraq qullanıla: normalar Moskva Patriarhatınıñ Rus provoslav kilsesi ve Ukrain provoslav kilsesine alâqadar etmey. Yalıñız provoslav dinini kütkenlerniñ is-duyğuları aqaretlengen vaqıtta teşkerüvler yapıla. Eger böyle formulalar başqa diniy gruppağa nisbeten qullanılğan olsa, onı kimse taqip etmey, yani men duşmanlıq meselesini közde tutam. Kerçek, Qırımnıñ rusiyeli ükümeti böyle beyanatlar yapa. Aslında, aşalavlar Rus provoslav kilsesiniñ menfaatına yapıla», – dep qayd ete uquimayecisi.
Daa evel Qırım uquqimaye gruppasınıñ vekilleri «Qırımda din ve itiqad serbestligi» esabatını taqdim etken edi. Vesiqada, Rusiye ilhaq etken yarımdada 4 yıl içinde insan aqları bozıluvınen bağlı malümat taqdim etilmekte. Mühehassıslar, Qırımnıñ rusiyeli akimiyeti sistematik olaraq din kütketlerniñ serbestligini boza degen hulâsağa keldi.
Qırım uquqimaye gruppasınıñ yolbaşçısı Olga Skripnik, Qırımda esasen musulmanlar ve Kyiv Patriarhatına bağlı kilsege qatnağanlar aşalanğanını qayd ete.
