Link açıqlığı

Saatnıñ esas haberi

Jeneva sammitinde Rusiye Qırımda Ukrainanı frekans ve telekommunikatsiondan marum etkeni aqqında ikâye etildi


Rusiye Qırımnı ilhaq etkeni sebebinden Ukraina telekommukatsion astyapı obyektleri, radio, telezizion frekans ve tehnikasından marum qaldı. Rusiye Qırımdaki Ukraina frekanslarında kütleviy aşalayıcı informatsion kampaniya keçirmekte. Bu aqta Ukraina informatsion siyaseti naziriniñ birinci muavini Emine Ceppar martniñ 23-nde Jenevada keçken informatsion cemiyet Halqara sammitinde söz yürsetti.

«Onıñ çıqışı işğal etilgen Qırım ve Donbassnen alâqalı olıp, o yerde topraqlarnen beraber Ukrainanıñ teleyayın ve radioeşittirüv aqqı da hırsızlanınen bağlı edi. Telekommunikatsion infratertip obyektleri, radio ve televizion frekansları, radioeşittirüv binaları ve tehnikası işğalci tarafından bir çoq halqara vesiqalarnı bozıp hırsızlandı, – dep haber ete Ceppar özüniñ Facebook saifesinde.

Onıñ sözlerine binaen, al-azırda Halqara elektrikbağ çemiyetine binaen, Ukrainağa ait olğan ukrain frekanslarında yayın yapqan onlarnen rusiyeli kanal,«Qırım ve Donbasstaki Ukraina vatandaşlarına «radikallar, qatiller, vatandaşlar cenki ve milletçiler» aqqında ikâye ete.

«Utanmadan, Ukrainağa ait olğan ukrain frekanslarında, Rusiye kütleviy aşalayıcı informatsion kampaniyasını, işğal etilgen topraqlarda yaşağan ukrainlerni, hususan Qırım ve Donbassta yaşağan Ukraina vatandaşlarından uzaqlaştırmaq maqsadınen yapa», – denilmekte haberde.

Rusiye tarafından ilhaq etilgen Qırım, Azerbaycan, Cuba, Ekvator Gvinayası, Eritreya, İran, Şimal Koreya, Suriye, Türkmenistan ve Özbekstan bir sırada KHV-nda söz serbestligi eñ yaramay reytingke saip olğan onlarnen devlet ve territoriyalar sırasına kirdi. Bu aqta Freedom House halqara uquqimaye teşkilâtınıñ ananeviy «Matbuat serbestligi -2017» adlı esabatında söz yürsetilmekte, dep bildire Azatlıq Radiosı.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG