Qırımtatar faali Narima Memedeminovnı martnıñ 22-nde evinde tintüv ötkergen soñ, Aqmescit FSB idaresine sorğulamaq içün alıp kettiler. Bu aqta onıñ ömür arqadaşı Lemara «Qırım birdemligi»niñ Facebook saifesinde yerleştirilgen videoda haber etmekte.
«Onı sorgulamaq içün Aqmescitteki Rusiye FSBsi binasına alıp kettiler dep ayttılar, amma qoyıp yibereceklermi, yoqmı, ondan soñ belli olur. 2014 senesi blogger olaraq video derc etip YouTubete paylâşqanı içün oña qarşı cinayet işi açıldı (Rusiye Cinayet Kodeksiniñ 205.2 maddesiniñ 2 qısmı), dep ikâye etti Nariman Memedemnovnıñ qadını.
Onıñ sözlerine köre, küç idaresiniñ hadimleri planşet, çiftniñ cep telefonlarını ve bir qaç kitapnı çekip alğan ve pek qaba davranğanlar.
Rusiye CK 205.2 maddesiniñ 2 qısmı – KHV, elektron ya da haber-telekommunikatsion ağlar vastasınen, şu cumleden «İnternet» ağını qullanaraq, terroristik faaliyetni amelge keçirmek içün terrorizmni doğru dep tanuv ve onıñ teşviqatı.
Daa evel Nariman Memedeminovnıñ evinde rusiyeli küç idaresinin hadimleri ve uquqqoruyıcılar tintüv yapqanı aqqında haber etilgen edi.
Teşkilât 2016 senesi fevralnn 11-nde onıñ evinde artıq tintüv yapılğanı ve 2017 senesi iyülniñ 13-nde Bağçasaray rayon mahkemesi qırımtatar faali Nariman Memedeminovke qarşı memuriy iş açqanı aqqında hatırlattı. Adliyeci Lilâ Gemeci bergen malümatqa binaen, faalni 2017 senesi aprelniñ 13-nde Seydamet Mustafayevniñ evinde tüntüv yapılğan maalde, onıñ evi ögünde sanki dersiñ, qanunsız miting keçirdi dep qabaatlan edi.Tintüv maalinde semetdeşine qol tutmaq maqsadınen pek çoq qırımtatar kelgeninde, olarnıñ arasında Nariman da bulunıp, vaziyeti aydınlatmaq içün video çeke. Ondan da ğayrı, o uquqoruyıcı organlar yapqan provokatsiyalarğa qarşı semetdeşlerini tutmağa areket ete, dep bildire faaller. Ancaq buña baqmadan, o qabaatlı dep tanılaraq, 10000 rublelik (4630 grivna) cöremenen cezalanğan edi.
Qırım ilhaqından soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.
