Link açıqlığı

Saatnıñ esas haberi

Macaristan Ukraina-NATO sammitini blok etmege planlaştıra – Siarto


Macaristan TİN reberi Peter Siarto
Macaristan TİN reberi Peter Siarto

Macaristan aprel ayında keçirilmesi planlaştırılğan Avropa Birligi ve Ukraina mudafaa nazirleri toplaşuvını, aynı zamanda yazda keçecek Ukraina-NATO sammitini blok etmek istey, dep ayttı Macaristan tış işleri naziri Peter Siarto, martnıñ 19-nda Brüsselde AB azası devletleriniñ TİN yolbaşçılarınen keçirgen toplaşuvında.

O, eger Kyiv 2023 senesine qadar tasil qanunı küçke kirmeycegine ve oña «ciddiy» deñişmeler kirsetilmeycegine işandıracaq olsa, Macaristan Ukrainağa bir daa qol tutacağını beyan etti.

«Macaristan bu toplaşuvlarnı yalıñız, Ukraina añılğan şartlarğa ve halqara mecburiyetlerine riayet etken taqdirde qol tutacaq», – dedi Siarto.

Macaristan daa evel Ukraina-NATO komissiyasınıñ oturışıvını blok etken edi.

Ukraina ve Macaristan arasındaki munasebetler Ukrainanıñ sentâbrniñ 28-nde küçke kirgen yañı tasil qanunı sebebinden kerginleşken edi. Tasil tilinen bağlı devlet qanun norması Ukraina ve çetelniñ bazı dairelerinde tenqit etilüvine sebep olğan edi. Hususan, Macaristan resmiy qurulışları bunen macar azlıqlarınıñ aq-uquqları bozula dep kördi. Macaristan aynı zamanda konsultatsiya keçirmege azır olğanını bildire, lâkin «qanun milliy azlıqlarnıñ uquqlarını tesirli derecede qısqartacağınen» razı olmağanını ve Karpatlarda yaşağan macarlar vaziyet çezilgenini köstermegence, diplomatik adımlar atmağa devam etecegini beyan etti. Kyiv bu qabaatlarlarnı red ete.

XS
SM
MD
LG