Ukraina umummilliy eki televizion kanalında Rusiye prezidenti saylâvları arfesinde aynı vaqıtta Qırım olmağan Ukraina hatirasınıñ peyda oluvı – «tesadüf degil de, bir maqsatqa baqtırılğan iştir». Bu aqta Ukraina vitse-premyeri Vyaçeslav Kirilenko öz Twitterinde yazmaqta.
«Men bunıñ bir tehnik hata olğanına inanmayım! Soyadları berilmek kerek», – dep yaza Kirilenko.
2018 senesi martnıñ 16-nda Ukrainanıñ STB kanalı «Holostyak» programmasında Ukrainanıñ Qırımsız haritasını numayış etti.
Martnıñ 16-nda UA:Perşıy televizion kanalı aqşam haberleri canlı efirinde tehnik hata sebebinden seyirciler 27 saniye devamında Ukrainannıñ hatalı haritasını seyir etken edi. Haritada devlet haritasında Qırım yarımadası yoq edi. İctimaiy ağ qullancılarınıñ bazıları bundan raatsız olğanlarını bidirdiler. Daa soñra telekanal efirde ilhaq etilgen Qırım olmağan Ukraina haritasını köstergeni içün afu sorap, tehnik hata keçkenini bildirgen edi.
