Link açıqlığı

Saatnıñ esas haberi

Martnıñ 16-sı, cuma künü, Kreml nezaretindeki Aqmescit Merkeziy rayon mahkemesi «26 fevral işi» boyunca taqiqatını bitirdi. Bu aqta Qırım.Aqiqatqa advokat Edem Semedlâyev ikâye etip berdi.

«Men vesiqalar tercimansız tizilgeni sebebinden sorğulav protokolını alıp taşlanması içün muracaat ettim. Advokat Aleksandr Solodkov fevralniñ 26-sındaki vaqialar aqqında Sergey Aksönov bergen intervyusınıñ seyir etilmesini rica etti. Mahkeme ekisini de red etti. Mahkeme taqiqatı bunen yekünlendi», – dedi advokat.

Onıñ sözlerine binaen, nevbetteki oturışuv martnıñ 28-ne tayinlengen.

2015 senesinde bir gruppa qırımtatar faallerine qarşı, 2014 senesi fevralniñ 26-sında Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen yapılğan mitingde iştirak etkenleri içün mahkeme başlatıldı. Olar kütleviy nizamsızlıqlarda iştirak etkenlerinde qabaatlandı.

Daa soñra mahkeme «26-nci fevral işi»ni ekige ayırdı: qırımtatar milliy areketiniñ liderlerinden biri Ahtem Çiygoznıñ işi, davanıñ diger figurantları olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nabiyevniñ işinden ayırıldı.

Rusiye akimiyeti oktâbrniñ 25-nde Qırımda mahküm etilgen Qırımtatar Milliy Meclisi reisiniñ muavinleri Ahtem Çiygoz ve İlmi Umerovnı azat etip, Türkiyege teslim etti. Daa soñra Umerov ve Çiygoz Kyivge keldiler.

XS
SM
MD
LG