Link açıqlığı

Saatnıñ esas haberi

Betsa: Rusiyege qarşı sanktsiyalarnı Qırım bütünley azat etilgenine qadar quvetlendirmek kerek


Qırımda «referendum» denilgen uydurma tedbir kününde Ukraina tiş işleri Nazirliginiñ matbuat kâtibi Maryana Betsa «Qırım bütünley azat etilgenine qadar» Rusiyege qarşı kirsetilgen sanktsiayalarnı quvetlendirmek kerek olğanını beyan etti. Bu aqta o Twitterde yazmaqta.

«Qırım Muhtar Cumhuriyetinde qanunsız referendum ötkerilgeninden ve qanunsız ilhaqtan soñ dört yıl keçti. Rusiyeniñ cinayeti. Bütünley azat etilmegence sanktsiyalarnı quvetlendirmek kerek», – dep qayd ete Betsa.

Daa evel Ukraina tış ileri naziri Pavlo Klimkin Rusiye prezidentligine namzet olğan Kseniya Sobçaknıñ ilhaq etilgen Qırımda tekrar bir referendum keçirilmesinen alâqalı teklifini havflı teklif dep adlandırğan edi.

ABD Devlet departamentiniñ matbuat kâtibi Hezar Nauert martnıñ 15-nde, Rusiye Ukraina toprağını ilhaq etkeniniñ üstüne qapatmaq içün, dört yıl evelsi Ukrainada qanunsız «referendum» keçirgen edi, dep qayd etken edi.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG