Martnıñ 12-nde Kyivde Avropa Birliginiñ tış işleri boyunca baş vekili Federika Mogerini Kyivni ziyareti çerçivesinde Ukraina prezidenti Petro Poroşenko ile körüşecek.
Ukraina devleti reberiniñ matbuat hızmeti haber etkenine köre, körüşüv esnasında vaqtınca işğal etilgen Qırım ve Aqyarda territoriyalarında qanunsız prezident saylâvlarını tanımamaslıq ve Ukraina topraq bütünligi ve suverenitetini bozğanı içün, Rusiyege qarşı sanktsiyalar siyasetini daa ziyade mükemmelliştirüv yolları muzakere etilecek.
Aynı zamanda körüşüvde AB tarafından Ukrainada keçirilgen islaatlarğa qoltutuv ve Ukraina ile AB arasındaki birleşme Şartnamesiniñ eda etilüvi muzakere etilecek.
Körüşüvde esnasında ayrıca, Donbasstaki havsızlıq vaziyeti ve Minsk añlaşmaları amelge keçirilmesine qol tutmaq içün BMT barışıqsever missiyası başlanuvınıñ istiqbali aqqında söz yürsetilecek.
Mogerini mart ayında Kyivde kelecegi aqqında keçken aynıñ başında Azatlıq Radiosınnıñ Brüsseldeki muhbiri haber etken edi. Qatiy künü resmiy olaraq haber etilmegen edi.
Martnıñ 9-nda Avropa kommisiyası resmiy olaraq Ukrainağa bir milliard eurolıq makromaliyeviy yardım teklif etken edi, dep bildire avropa müessisesiniñ matbuat hızmeti.
