Martnıñ 8-nde OSCE Daimiy Keñişinde Avropa telükesizlik ve işbirligi Teşkilâtında ABD işleri boyunca muvaqqat vekili Harry Camian, ilhaq etilgen Qırımda insan aqları qaba şekilde bozulğanı, şu cümleden qırımtatar faali Suleyman Kadırovqa nisbeten çıqarılğan qarar içün yazıqsınğanını bildirdi.
O, Rusiyeden Qırımda faqrqlı tüşüngenlerni bastırmaqnı toqtatmağa ve halqara insan aqları közeticileriniñ Qırımğa kirmesini ruhset berüvi boyunca ABD öz çağıruvlarını tekrarlağanını qayd etti.
«Bizler martnıñ 1-nde, ictimaiy ağlarda Qırım – Ukraina toprağı dep yazğan haberi içün Suleyman Kadırovqa nisbeten cemiyet içünde faaliyet köstermekni yasaqlağan eki yıllıq şartlı ceza berilgeninden raatsız oldıq. Bizler ayrıca, işğalci akimiyet bu aynıñ soñunda keçirilmege niyetlengen qanunsız saylâvlarda iştirak etmesi içün ealige basqı yapqanından da raatsızmız», – dep ayttı Camian.
Camian yapqan çıqışınıñ tolu metini ABD OSCEdeki missiyasınıñ saytında derc etilgendir.
Fevralniñ 28-nde Rusiye prokurorı Suleyman Kadırov içün şartlı olaraq üç yılğa azatlıqtan marum etüv ve cemiyet içünde faaliyet köstermekni yasaq etüv cezası istegenn edi. Kadırov özü cinaiy işni – onıñ cemaat faali sıfatındaki noqta-i nazarı ve uquq imayecisi faaliyetine qarşı mahsus hızmetler tarafından berilgen provokatsion cevap olğanını iddia ete.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
