ABD prezidenti Donald Trump Şimaliy Koreya yolbaşçısı Kim Jong Eun ile körüşmege azır. Böyle muzakereler yaqın eki ay devamında ötkerilmek mümkün, dep haber eteler dünyanıñ büyük haber agentlikleri.
Böyle bir beyanat Trumnıñ Cenübiy Koreya akimiyetiniñ temsilcilerinen ötkergen körüşüvinden soñ peyda olğan. Olar ise bir-qaç kün evelsi Kim Jong Eun ile Pyongyangda aytışqan ediler. Olar Amerikanıñ prezidentine Şimaliy Koreya yetekçisiniñ davetini bildirgenler. Davetniñ maqsadı – Şimaliy Koreyanıñ özek programmasını toqtatmaq ve özek silâhanesini yoq etek içün muzakerelerni ötkermektir.
Prezident Trump öz Twitter saifesinde olıp keçecek körüşüvge dair ümütlerini bildirdi, ve qayd etti ki, muzakereler ötkerilecek vaqıtta Şimaliy Koreya raketalarnıñ deñevlerini toqtatacaq, ve añlaşma qabul etilecegine qadar Pyongyanğa qarşı sankstiyalar devam etecektir.
Amerikanıñ prezidentleri iç bir zaman Şimaliy Koreya yolbaşçılarınen körüşmey edi. Donald Trump, şimdige qadar istenilgen neticelerni bermegen uzun muzakelerni devam etmeyceginde israr ete edi.
Körüşüvniñ tarihı ve yeri daa malüm degil.
