Ukraina sıñırcıları iddia etkenine köre, martnıñ 8-nde Qırım memuriy sıñırında Ukraina vatandaşınıñ ukrain pasportı sahte olğanını tesbit etkenler.
Devlet müessisesiniñ matbuat hızmeti haber etkenine köre, adise «Çonğar» kiriş-çıqış kontrol noqtasında yüz bergen.
Devlet sıñır hızmetiniñ hadimleri teşkerüv tedbirleri keçirgen vaqıtta, Ukraina vatandaşınıñ pasportında daimiy konsullıq qaydına alınuvına dair mühür ve ştamp sahte olğanını em de fotosuret deñiştirilgenini tesbit etkenler.
Sıñırcılar mezkür haberde Ukraina Cinayet qanunnamesiniñ 358 maddesinde (vesiqa, mühür, ştamp ve blanklarnı taqlit etüv, taqlit etilgen vesiqa, mühür, ştamplarnı satuv ve qullanuv) közde tutulğan cinayet alâmetleri tapılğanını qayd eteler.
Qırım Rusiye tarafından ilhaq etilgen soñ, 2014 senesi Ukrainanıñ qıta qısmınen yarımada arasında memuriy, amma aslında kerçek bir «sıñır» peyda oldı. Memuriy sıñırda «Kalançak», «Çaplınka» ve «Çonğar» olaraq üç kiriş-çıqış noqtası çalışıp başladı.
