İslâm-Terek rayonı Caylâv Saray köyünde şahsiy evde yanğın çıqqanı aqqında haber etile. Yanğın esnasında gaz ballonı patlağan. Qırımdaki Rusiye MÇS İdaresi matbuat hızmetiniñ malümatına köre, yanğın vaqtında ortalıqnı tütün qaplap alğan, yanğın yerinde bir qaç dane gaz ballonı bulunğan eken.
«Qurtarıcılarnıñ kelişinen, yanğın ağaçtan yasalğan ahırdan başlanğan soñ, o yerni küçlü tütün qaplap alğanı aqqında belli olğan. Ateşniñ evge atılma havfı mevcut eken. Qurtaruv hızmetiniñ hadimleri kelmesten evel ahırda bulunğan dört gaz ballonlardan biri patlağan ve bu ateşniñ artmasına sebep olğan», – dep qayd ete idare hadimleri.
Qurtarıcılarnıñ malümatına köre, yanğından kimse zararlanmağan.
Qırım sakinleri gaz ballonlarnıñ yañlış saqlanuvı ve qullanıluvı neticesinde «qurulışlardan ğayrı insanlarnıñ ölümine sebep olğanı» boyunca tenbiyelenmekte.
