Link açıqlığı

Saatnıñ esas haberi

Qırımda «Hizb ut-Tahrir işi»niñ mahkemesi qapalı tarzda keçe - faaller


Krelmlniñ nezaretialtındaki Qırım Yuqarı mahkemesinde Aqmescitteki «Hizb ut-Tahrir işi»niñ mahkeme oturışuvı qapalı tarzda keçe. Bu aqta martnıñ 6-nda Facebookta «Qırım birdemligi» cemiyet birleşmesi bildire.

Figurantlarnıuñ aqraba ve arqadaşları mahkemeniñ yanındaki soqaqta toplaşıp, oturışuvğa kimse kirsetilmegeni içün şikâyet yazalar.

2017 senesi dekabrniñ 22-nde mahkeme Aqmescitteki «Hizb ut-Tahrir işi» fıgurantları Teymur Abdullayev, Uzeir Abdullayev, Ayder Saledinov, Rustem İsmailov ve Emil Cemadenovnıñ tevqif muddetini 2018 senesi fevralniñ 11-ne qadar uzattı.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

XS
SM
MD
LG