Sabıq prezident Viktor Yanukoviçniñ devletke hainligi aqqında işi boyunca mahkemeniñ oturışuvında videoalâqa vastasınen ilhaq etilgen Qırımdan şaatnı sorğulaycaqlar. Bunı mart 6-da mahkemeden jurnalist İrina Romaliyskaya bildire.
Romaliyskayanıñ malümatına köre, иг нукву «sanki 2014 senesinde Korsun-Şevçenkovskiy yanında meydan iştirakçileriniñ ucümine oğrağan avtobusta ketken» Oksana Mediyeva aqqında söz yürsetile.
Paytahttaki SBU idaresiniñ sabıq rehberi Aleksandr Şçegolev sabıq prezident Viktor Yanukoviçniñ devletke hainligi aqqında işi boyunca mahkemede şaatlıq etmek istemedi. Onıñ bu hususta Tahqiqat izolâtorından Kyivniñ Obolonskiy mahkemesine yollağan arizasını akem Vladislav Devâtko oqudı.
Obolonskıy rayon mahkemesi 2017 senesi iyünniñ soñunda Ukrainanıñ sabıq prezidenti Viktor Yanukoviçniñ devletke hainlik etkeninde qabaatlavları boyunca işni ğiyabiy şekilde baqıp başladı. Meydandaki vaqialar ayrı bir işte baqılalar.
Meydanda adamlar qurşunğa tutulğan soñ Rusiyege qaçqan Ukrainanıñ sabıq prezidenti Viktor Yanukoviç bütün qabaatlavlarnı red ete.
