Martnıñ 1 saba saatlarında Aqmescitte küçlü qar yağmağa devam ete. Martnıñ 1-nde saba ava bozulğanından dolayı soqaqlarda bir tıqanıqlıq yoq, dep haber ete Qırım.Aqiqat muhbiri.
Muhbirniñ sözlerine binaen, Aqmescitte qar martnıñ 1-nde gece yağıp başlağan. Yerli vaqıtqa köre, saba saat 8:00de ortalıqnı 5 cm qar qaplağan, el ve qar boranı küçlengen.
Soqaqlarnı temizlenüvinde kommunal ve yol hızmetleri çalışıp başladı: dep haber ete muhbir. Bazı merkeziy soqaqlarda qar temzilegen tehnika peyda olğan. Aqmescitte qar yağmağa devam ete.
Aqmescitte qar yağmağa devam ete.
Fevralniñ 27-28-nde ve martnıñ 1-nde faal cenübiy tsiklonlar kelgeni sebebinden, Qırımda fırtına telükesi aqqındailân etilgen edi. Ayrıca, fevralniñ 28-nden martnıñ 1-ne keçer gecesi rüzgar küçlenmesinden dolayı Keriç parom keçişi işini toqtatabilecegi aqqında da haber etilgen edi.
