Daa keçende Qırımnıñ paytahtında avanıñ birden deñişeceine iç bir şey işaret etmey edi. Tünevin kün devamında küneş körünmegen olsa da, avası issi edi. Bügün saba ise – qış mevsiminiñ bütün alâmetleri yer alğan: qar, boran ve ayaz. Bir-qaç saat devamında yağğan qarnıñ qalınlığı 5 santimetrge qadar yetti.
Birinci olıp, er zaman kibi, ava felâketini al etmek içün «Şeer» kommunal teşkilâtınıñ işçileri ve azbar hızmetçileri işke çıqtı. Olar piyave keçitlerine ve avtobus turaqları yanında qaldırımlarğa reagent qarışmasını sepip, qarnı sipirip başladılar. Birazdan soqaqlarğa qar küreyici maşnalar da ketirildi. Aqmescit baarniñ ilk kününi böylece qarşılağan oldı.
Facebook Forum