Link açıqlığı

Saatnıñ esas haberi

Ukraina MİDi: Rusiye Qırımğa halqara uquqimayecilerini kirsetmek kerek


Ukraina MİDiniñ binası, arhivden alınğan fotosuret
Ukraina MİDiniñ binası, arhivden alınğan fotosuret

Rusiye halqara uquqimayecileriniñ ilhaq etilgen Qırımğa kirişine izin bermeli.

«Rusiye ilhaq etken Qırımda kerçekten de serbestlik bütünley bastırılmaqta. Rusiye halqara uquqimayecileriniñ Qırım MC kirişine izin bermeli», –dep yaza Betsa Twitterdeki saifesinde, Rusiye MİDiniñ yolbaşçısı Sergey Lavrovnıñ «uquqimayecilerniñ Ukrainadaki uquq ve serbestlikniñ bastırıluvı munasebetinen sert cevap berilmesine çağıruvınen» bağlı haberini izaatlayaraq.

Fevralniñ 26-nda Ukrainadaki Freedom House halqara uquqimaye teşkilâtı ukrain temsilciliginiñ reberi Matthew Shcaaf, Kyiv çetel vatandaşları, şu cümleden KHV ve uquqimayecileriniñ Rusiye ilhaq etken Qırımğa kiriş protsedurasını qolaylâştırmaq kerek olğanını beyan etken edi.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG