Aqmescit sakinleri ictimaiy ağlarda Rusiye nezareti altındaki Qırım ükümeti Yuriy Gagarin parkında yapılğan tamir işlerini muzakere ete. Şeer sakinleri işlerniñ keyfiyeti ve tereklerniñ yoq etilüvinden memnün degil. Facebookta bunen bağlı muzakere saifesi açıldı.
«İgrenç ve berbat olıp qaldı», – dep yaza Aqmescitli Sergey Dudçenko.
«Bozup taşlanğan parkqa kim yardım eter? Qıçır, bağır, sögün, lâkin ne fayda, urdım duymazlar ne añlar!!! Lânet ziyankârlar, dört yıl içinde er şeyni batırdılar», – dep şikâyet ete Tatyana Afanasyeva.
«Ya Salğır boyundaki öksüz talçıqlar ner alda? Bütün dülberlikni pıçıp attılar, baştan ayaq ziyankârlıq! Buña daa ne demek mümkün», – dep ilâve ete Antonina Fadeyeva.
2017 senesi küzde Rusiye nezaretindeki Aqmescit akimiyeti parknıñ tamir işine kirişti. Bücetten bu işler içün umumen 43 million ruble (21.3 mln grivnağa yaqın) ayırılğan edi.
