Link açıqlığı

Saatnıñ esas haberi

Kyivde keçken küreş turnirinde qırımlı küreşçi qalebe qazandı


Kyivde keçken küreş turniri ğalipleriniñ taqdirlenüvi
Kyivde keçken küreş turniri ğalipleriniñ taqdirlenüvi

Fevralniñ 23-nde Kyivde qırımtatar ananeviy küreşi boyunca ötkerilgen turnirde, Qırımdan kelgen Timur Primşoyev saltıq ğalebe qazandı.

Ukraina prezidentiniñ Qırım MC temsilciligi Facebookta haber etkenine köre, Primşoyev soñki tutuşuvda Ukraina toplama taqımınıñ küreşçisi, dünya ve Avropa çempionatlarınıñ ğalibi Aleksandr Çernetskiyni yeñip çıqtı.

«Altın ğalebe saipleriniñ epsi eñ büyük mükâfat olğan – qoyun ve ayrıca, kubok, yarlıq, minnetdarlıq yarlığı ve para mükâfatlarınen taqdirlendi», – denilmekte haberde.

Fevralniñ 23-nde Kyivde qırımtatar ananeviy küreşi boyunca turnir ötkerildi. Musabaqa qırımtatarlarnıñ ictimaiy ve siyasiy lideri Noman Çelebicihannıñ hatırasına bağışlanğan edi.

2018 senesi fevralniñ 23-nde XX asır başında qırımtatar milliy areketiniñ lideri olğan, belli erbap Noman Çelebicihannıñ facialı ölümine 100 yıl toldı.

Noman Çelebicihan (1885-1918) – qırımtatar yazıcısı, qırımtatarlarnıñ milliy gimniniñ muellifi, 1917-1918 seneleri qurulğan qırımtatar halqı birinci Qurultaynıñ esasçısı olğan diniy, cemaat ve siyasiy erbabıdır.

Noman Çelebicihan 1885 senesi molla qorantasında doğa. Bağçasaray, İstanbul, Sankt-Peterburgda oquy, qırımtatar yaşlarınıñ maarif ve inqilâbiy teşkilâtlarında iştirak ete. XX-ncı asırnıñ başında eñ istidatlı qırımtatar edebiyatçısı olaraq tanıla. Qırımtatarlarnıñ «Ant etkenmen!» adlı milliy gimniniñ müellifi ola. 1917 senesi Fevral inqilâbından soñ Musulman icra komitetiniñ reisi, Qırım müftisi – soñra ise, Birinci Qırımtatar Milliy Qurultayınıñ reisi olaraq saylâna. 1918 senesi yanvar ayında bolşevikler tarafından tevqif etilerek, fevralniñ23-nde Aqyar apishanesinde deñizciler tarafından öldürile. 33 yaşında olğan müftiniñ cesedi deñizge atıla.

XS
SM
MD
LG