Link açıqlığı

Saatnıñ esas haberi

Çubarov: «Qırımda ilhaqtan soñ qanunsız yolnen kelgenlerniñ episi onı terk etmek kerek»


Refat Çubarov
Refat Çubarov

Qırımda 2014 senesi fevralniñ 20-nden soñ Ukraina qanunını bozaraq peyda olğan er kes, onı terk etmek kerek. Bu fikirni fevralniñ 24-nde Qırımtatar Milliy Meclisiniñ yolbaçşısı Refat Çubarov, ATOda iştirak etken qırımlı askerlerge bağişlanğan «Qırımlı ateş sızığı» fotoleyhasınıñ taqdimi vaqtında beyan etti, dep bidire Qırım.Aqiqatnıñ muhbiri.

«Qırımdakilerniñ ekseriyeti bizni bekley (Ukrainanı – QA). İşte buña esaslanmaq kerek. Fevralniñ 20-nden soñ, Ukraina qanunlarını bozaraq (2014 senesi - QA) Qırımda peyda olğanlar ve er angi bir faaliyet başlatqanlarnıñ epsi, bizim qaytqanımıznı beklep oturmamalı. Olar erte yarıq toplanıp ketmek kerekler. Faraziy Konstantinov ve Aksönovlardan yarımadadan coyulmaq kerek», – dedi Çubarov.

Fevralniñ 24-nde Kyivdeki «Qırım evi»nde ATOda iştirak etken qırımlı askerlerge bağişlanğan «Qırımlı ateş sızığı» fotoleyhasınıñ taqdimi ötkerildi.

ATOda iştirak etken qırımlı askerlerge bağışlanğan «Qırımlı ateş sızığı» fotoleyhasınıñ taqdimi

ATOda iştirak etken qırımlı askerlerge bağışlanğan «Qırımlı ateş sızığı» fotoleyhasınıñ taqdimi
ATOda iştirak etken qırımlı askerlerge bağışlanğan «Qırımlı ateş sızığı» fotoleyhasınıñ taqdimi

Tedbirde qırımtatar halqınıñ lideri, Ukraina halq deputatı Mustafa Cemilev, qırımtatar Milliy Meclisi reisiniñ muavinleri İlmi Umerov ve Ahtem Çiygoz, qırımlı ATO askerleri iştirak etti.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG